✓  મધ્ય ગુજરાતની ( ચરોતરી ) બોલીની લાક્ષણિકતાઓ જણાવો.

 મહીનાં ઉત્તર ભાગની પટ્ટણી અને ચરોતરી બોલીનાં ઉચ્ચારણો માં ઘણી સમાનતા છે. પટ્ટણી બોલીની પહેલી આઠ લાક્ષણિકતાઓ ચરોતરી બોલીને લાગુ પડે છે. એ સિવાયના લક્ષણો નીચે પ્રમાણે છે :


 ઉચ્ચારગત લક્ષણો : 


( 1 ) શબ્દનાં પ્રારંભમાં આવતા ' વ ' નો લોપ થાય છે. જેમ કે , 

  વાણિયો - ઓણિયો      વોરો - હોરો 


( 2 ) ' ચ ' , ' છ ' , ' જ ' , અને ' ઝ " નાં સ્પર્શ સંઘર્ષ ઉચ્ચારગત જેમ કે , 

  છે - ત્સે     વહેંચી - વત્સી    છોકરો – ત્છોકરો    જડયો - દઝડયો


 ( 3 ) ' હ ' શ્રુતિનો સર્વત્ર ઉપયોગ. જેમ કે ,

 મહોરા , વહેત , મહગર , બરધ્યો , દહાડયમ ,


 ( 4 ) ' ય ' શ્રુતિ જેમ કે , 

   આંખ - આંખ્ય      લાવું - લાવ્ય     વાડકા - વડક્યા        કાળકા - કર ક્યાં


 વ્યાકરણગત વિશેષતાઓ : 


( 1 ) ' અ ' કારાન્ત નામોને બહુવચનમાં ' ઓ ' પ્રત્યય લાગે છે. જેમ કે ,

     ખેતેર - ખેતરો     માણસ - માણહો


 ( 2 ) પંચમી વિભકિતમાં ' થી ' ને બદલે ' હિં ' જેમ કે , 

    કયાંથી - ક્યોહી         હાથી ગયો – હાથ હિ ગયો 


( 3 ) ' છ ' ના રૂપોમાં અંત્ય સ્વરોનો રાસ થાય છે. જેમ કે ,

   હું નિશાળે જાઉં છું.    -   હું નેહાળ જાત્સ.  


( 4 ) ભવિષ્યકાળના રૂપોમાં ' ઈચ ' ને બદલે ' એશ ' અથવા ' એ ' બોલાય છે. જેમ કે ,

 મારીશ – મારેશ , મારે 


   શબ્દ ભંડોળની લાક્ષણિકતાઓ : 


શુદ્ધભાષા - બોલી 

બાજુ - ગમ 

આગળ - અગાડી

ધોકો - બુહલું

ગોદડી - ધાગડી

લડવું - લઢવું


સોરઠી બોલીનાં લક્ષણો

ચરોતરી બોલીની લાક્ષણિકતાઓ

સુરતી બોલી ની લાક્ષણિકતાઓ

પટ્ટણી બોલીની લાક્ષણિકતાઓ